ДУИ или ДПА, прашање е сега

Јазолот, полека се расплеткува.

Неофицијално потпретседателот на ДПА Мендух Тачи го информирал лидерот на ВМРО ДПМНЕ Никола Груевски дека ДПА не може да ги прифати условите поставени за учество во власта односно не сака да прифати во владата да учествува рамо до рамо со ДУИ. [A1: ДПА нема да учествува во новата влада]

На оваа тема, беше разврзана дискусија на неколку блога:

• Гласност: Време е за влада на ВМРО-ДПМНЕ и ДУИ
• Ивица Боцевски: ДУИ или ДПА
• Баждарџијата: ДУИ не смее да влезе во новата влада на ВМРО-ДПМНЕ

Накратко, ќе ги нафрлам моите ставови околу неколку клучни точки од ова прашање:

1. на ДПМНЕ очебијно му треба што постабилно мнозинство, без оглед на тоа со која партија од кој блок ќе коалицира - ДУИ има неколку пратеника повеќе од ДПА, следствено, коалицијата со ДУИ им е поповолна од овој аспект
2. на ДПМНЕ му преостануваат уште неколку обврски од реализирањето на рамковните одредби - за комплетирање на рамковноста, им треба т.н. Бадентерово мнозинство - квалифицирано мнозинство + 15 албански гласови, кои ДПА не може да им ги обезбеди
3. од тука, коалицијата на ДПМНЕ и ДУИ не води кон федерализација, односно, федерализацијата не е ад хок проблем - впрочем, од прагматични причини мора во коалиција да влезат „победниците од двата блока“ - така што, тоа е данокот што секој мандатар мора да го плати..
4. единствен аргумент во прилог на ДПА е „традиционалното партнерство“ со ДПМНЕ, иако тоа е само популизам
5. коалицијата која би ги вклучила и ДУИ и ДПА, пак, за мене е крајно неприфатлива, затоа што така Албанците нема да имаат парламентарна опозиција што е погубно за демократските процеси

Што ќе се случи, ќе видиме.

Тагови: избори, Македонија, 2006, ДУИ, ДПА, ДПМНЕ, коалиција, собрание, вуна, Macedonian.